Qazaqstan syrtqy saýda júrgizý rásimderin jeńildetti - E.Dosaev
ASTANA. QazAqparat - Qazaqstan syrtqy saýda júrgizý rásimderin jeńildetti. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«Syrtqy saýdany júrgizý rásimderin jeńildetý maqsatynda eksporttyq-ımporttyq operatsııalardy jasaý kezindegi qujattar sany qysqartyldy. Taýarlardy eksporttaý kezinde - 3 qujat, ımporttaý kezinde - 4 qujat qysqardy. Bul rette syrtqy ekonomıkalyq qyzmetke qatysýshylardyń táýekel deńgeıi tómen, orta jáne joǵary 3 sanatyn engize otyryp, táýekelderdi basqarý júıesin qoldanýdyń tásilderi qaıta qaraldy», - dedi E.Dosaev.
Sonymen qatar mınıstrdiń atap ótýinshe, Qarjy mınıstrligi Ulttyq kásipkerler palatasymen birlesip, postkedendik resimdeý boıynsha «300 iri salyq tóleýshige arnalǵan jasyl dáliz» ilki jobasyn iske asyrǵan.
