Qazaqstan svop júıesimen Iranǵa munaı jetkizýdi qaıta bastady

ASTANA. QazAqparat - 8 jyldyq úzilisten keıin Iran svop júıesi arqyly Kaspıı teńizindegi munaı saýdasyn qaıta bastady. Búginde Kaspıımańy elderinen - Túrikmenstan men Qazaqstannan munaı jetkizilý ústinde. Bul týraly Iran munaı termınaldary kompanııasyna silteme jasap IRNA agenttigi habarlady.  

Atap ótilgendeı, Iran kórshi eldermen munaı boıynsha svop-operatsııalardy qaıta jańǵyrtqan 2017 jyldyń tamyzynan beri svop arqyly (shıkizat almasý mámilesi) 2,2 mln barrel munaı alǵan. Qara altyn Neka qalasyndaǵy Soltústik termınalymen jetkizilgen.

Iran munaı termınaldary kompanııasy Kaspıı teńizimen alǵan shıkizatty Tegeran men Tebrızdegi munaı óńdeý zaýyttaryna jóneltedi.  

Foto: irna.ir