Qazaqstan suıytylǵan munaı gaz tapshylyǵyn 2030 jylǵa qaraı sheshpek
ASTANA. KAZINFORM – Qashaǵan jáne Qarashyǵanaq ken oryndarynda suıytylǵan munaı gaz óndirisin iske qosý josparlanyp otyr. Bul týraly Energetıka vıtse-mınıstri Álibek Jamaýov málim etti.
«Energetıka mınıstrligi suıytylǵan munaı gaz tapshylyǵy máselesin 2030 jylǵa qaraı jabý kózdeledi. Osy oraıda Qashaǵan jáne Qarashyǵanaq ken oryndarynda suıytylǵan munaı gaz óndirisin iske qosýdy josparlap otyrmyz. Osylaısha Qashaǵannan jylyna 800 myń tonna, Qarashyǵanaqtan shamamen 600-700 myń tonna suıytylǵan munaı gaz óndiriledi. Meniń oıymsha, tapshylyqty biz 2030 jylǵa qaraı sheshemiz», - dedi Álibek Jamaýov Májilis otyrysynda.
Aıta keteıik, taıaýda Qashaǵan suıytylǵan gazyn jetkizý týraly shartqa qol qoıyldy.
Eske sala keteıik, byltyr elimizden suıytylǵan munaı gazy eksportyna tyıym salynatyny aıtylǵan edi.
Aıta keteıik, Atyraýda suıytylǵan munaı gazyn saqtaıtyn seriktestiktiń 955 mln teńge tabysy tárkilendi.