Qazaqstan Sýretshiler Odaǵynyń 80 jyldyǵyna oraı ótetin kórmede 5 tomdyq «Qazaq óneri» jınaǵynyń tusaýy kesiledi
ASTANA. QazAqparat - Astana qalasynda aqpannyń 25-inde «Samuryq-Qazyna» Ulttyq ál-aýqat qory» AQ qarjylaı kómegimen Qazaqstan beıneleý óneri sheberleriniń kórmesi ótedi. Bul týraly «Samuryq-Qazyna» Ulttyq ál-aýqat qory» AQ saıty habarlady.
Saıttyń málimetinshe, Qazaqstan Sýretshiler Odaǵynyń 80 jyldyǵyna oraı ótetin kórmede 5 tomdyq «Qazaq óneri» jınaǵynyń tusaýy kesiledi.
Túrli-tústi, aıshyqty bezendirilgen basylymda baǵzydan búginge deıingi kezeńdegi Qazaqstan beıneleý óneriniń jaýharlary jınaqtalǵan. Basylymnyń redaktsııalyq alqasy aýqymdy jumystar jasaǵanyn atap ótý kerek. Kitap Qazaqstandaǵy mádenıettaný men kitap isiniń úzdik týyndylary qatarynan oryn alady. Saq, túrki dáýiri, qazaq qolóneri jáne Qazaqstan sýretshileriniń qazirgi zamanǵy týyndylary osy basylymǵa alǵash ret jınaqtalyp otyr. Aıshyqty bezendirilgen bes albomda Qazaqstan beıneleý óneriniń eń ozyq eskertkishteri molynan qamtylǵan.
Basylymdy qurastyrýshylardyń arasynda Z.Samashev, H.Turysbekova, K.Lı, K.Murataev, E.Ahmetova sııaqty professorlar, ǵylym kandıdattary bar. Kitaptaǵy mádenıettanýǵa arnalǵan maqalalar qazaq, orys jáne aǵylshyn tilderinde basylǵan.
Tusaýkeser Beıbitshilik pen kelisim saraıynda, 6-qabatta, «Qulanshy» qazirgi zaman óneri ortalyǵynda ótedi.
