Qazaqstan Sýrdlımpıadadan alǵashqy altyn medaldi jeńip aldy
NUR-SULTAN. QazAqparat – Qazaqstan Brazılııanyń Kashıas-dý-Sýl qalasynda ótip jatqan Sýrdlımpıada-2021 oıyndarynda alǵashqy altyndy aldy, dep habarlaıdy QazAqparat Sports.kz resýrsyna silteme jasap.
Onyń ıegeri - 81 kelige deıingi salmaq dárejesinde jeńiske jetken dzıýdoshy Erkebulan Qanafın.
Mońǵolııa men Frantsııadan kelgen qarsylastaryn jeńgen Qanafın fınalda ońtústik koreıalyq sportshydan basym tústi.
Aıta keteıik, estý qabileti nashar sportshylar baq synaıtyn 24-shi Sýrdlımpıada oıyndary ótken jyly ótýi tıis bolǵan.
Alaıda koronavırýs pandemııasyna baılanysty 2022 jylǵa aýystyryldy. Sýrdlımpıada 1-15 mamyr aralyǵynda ótedi.
Eske sala keteıik, osydan úsh kún buryn Brazılııanyń Kashıas-dý-sýl qalasynda jazǵy Sýrdalımpıadanyń saltanatty ashylý rásimi ótti.
Baıraqty básekede álemniń 100 elinen 3500 sportshy sporttyń jıyrma bir túrinen baq synaıdy.
