Qazaqstan sýıtsıdpen kúreste birneshe salanyń basyn biriktirdi - sheteldik sarapshy
ALMATY. QazAqparat - Qazaqstan jasóspirimder arasyndaǵy sýıtsıdpen kúresýde jetistikterge jetti. Bul týraly Eýropalyq psıhıatrııalyq qaýymdastyqtyń Sýıtsıd jáne sýıtsıdtiń aldyn alý bóliminiń jetekshisi Marko Sarkıapone aıtty, dep habarlaıdy QazAqparat tilshisi.
Almatyda álemdegi eń ózekti taqyryptyń biri - jasóspirimder arasyndaǵy sýıtsıd taqyrybyna arnalǵan halyqaralyq konferentsııanyń ekinshi kúngi jumysy jalǵasyp jatyr.
Italııalyq professor, Eýropalyq psıhıatrııalyq qaýymdastyqtyń Sýıtsıd jáne sýıtsıdtiń aldyn alý bóliminiń jetekshisi Marko Sarkıapone Qazaqstandaǵy jasóspirimderdiń psıhıkalyq densaýlyǵyn nyǵaıtý jáne sýtsıd jasaýdyń aldyn alý taqyrybynda sóz qozǵady.
«Men Qazaqstanda trenıngter ótkizip kelemin. Osydan birneshe jyl buryn dárigerler nemese psıhıatorlar sýtsıd taqyryby bizdiń mindet emes dep jaýapkershilikten qashatyn. Qazir trenıngterge qatysýshylardyń kózqarasy men qoıatyn suraqtary ózgerdi. Olar qazir «budan qalaı birigip qutylamyz?» degen máseleni jıi ortaǵa salatyn bolady», - deıdi sheteldik ǵalym.
Italııalyq professor sýtsıd máselesinde Qazaqstan birneshe salanyń basyn biriktirgenin aıtty.
«Biz Qazaqstan sýtsıd taqyryby boıynsha 2012 jyly jumysymyzdy bastadyq. Búgingi tańda atalǵan indettiń aldyn alýda Qazaqstan jetken jetistikter bar ekenin atap ótkim keledi. Sýtsıd - muztaýdyń tek kórinip turǵan bóligi. Oǵan sebep bolatyn birneshe faktorlar bar ekeni belgili. Qazaqstan jasóspirimder arasyndaǵy sýtsıd boıynsha burynǵydaı úshinshi orynda emes. Bul - jasalǵan jumystardyń nátıjesi. Eń bastysy, Qazaqstan bul indetpen kúreste birneshe salanyń basyn biriktire aldy. ıAǵnı, Qazaqstanda bilim, medıtsına, psıhıatrııa salasy sýtsıdpen birlesip kúresip jatyr», - dedi ol.
Aıta keteıik, atalǵan halyqaralyq konferentsııa jumysyn keshe, 19 qańtarda bastaǵan bolatyn. Osyǵan deıin, baıandama jasaǵan Qazaqstandaǵy Bala quqyqtary jónindegi ýákili, UR Parlamenti Májilisiniń depýtaty Zaǵıpa Balıeva elimizde byltyr ózine qol salmaq bolǵan 114 bala qutqarylǵanyn aıtyp, taqyryptyń ózekti ekenin nazar aýdartqan bolatyn.
Sheteldik mamandardyń aıtýynsha, jyl saıyn álemdegi jasóspirimderdiń 10%-y dene múshelerin zaqymdaıdy eken. Sonyń kesirinen 67 000 jasóspirim kóz jumady.
