Qazaqstan sýdyń sapasy boıynsha álem elderiniń reıtınginde 54-shi oryn aldy
NUR-SULTAN. QazAqparat – Qazaqstandyqtarǵa jetkizilip otyrǵan tabıǵı sýdyń kólemi 2020 jyldyń qańtar-qyrkúıek aılarynda 2,2 mlrd tekshe metrdi quraǵan. Bul ótken jylmen salystyrǵanda 0,7 paıyzǵa kóp. Anyqtama úshin: 2019 jyly kórsetkish 3 mlrd tekshe metrdi qurady – bul aldaǵy jylmen salystyrǵanda 8,2 paıyzǵa joǵary, dep habarlaıdy QazAqparat Energyprom.kz saıtyna silteme jasap.
Qazaqstanǵa jetkizilip otyrǵan aýyz sýdyń kólemi 1 paıyzǵa, al ishýge jaramsyz sýdyń kólemi kerisinshe, jyl ishinde 2 paıyzǵa ósken.
Álem elderiniń tutynylatyn sýdyń sapasy densaýlyqqa keri áser etýi múmkin klınıkalyq tirkelgen oqıǵalardy esepke alatyn reıtınginde Qazaqstan 179 orynnyń ishinde 54-shi orynda tur. Qazaqstan Respýblıkasynda aýyz sý sapasynyń ındeksi 100-den 55,8 kórsetkishin quraǵan.
Reıtıngte birinshi oryndy kórsetkishteri joǵary 10 el alǵan: Avstrııa, Fınlıandııa, Grekııa, Islandııa, Irlandııa, Malta, Nıderlandy, Norvegııa, Shveıtsarııa jáne Ulybrıtanııa.
