Qazaqstan sýdy kóp ysyrap etetin elderdiń qatarynda – statıstıka
«Qazaqstan jáne Ortalyq Azııanyń basqa da elderi sýdy únemdemeıdi. Qazaqstan Respýblıkasynda sýdy jan basyna shaqqandaǵy tutyný kólemi álemdegi eń joǵary kórsetkishterdiń biri bolyp esepteledi.
Onyń sebebi - elde sýmen jabdyqtaý tarıfteriniń óte tómendigine baılanysty bolýy múmkin.
Worldometers málimetinshe, Qazaqstan, Ortalyq Azııanyń basqa elderi sııaqty, sýdy asa úlken kólede tutynýymen erekshelenedi.
Munda jan basyna shaqqandaǵy sýdy kúndelikti tutyný deńgeıi 3,5 myń lıtrge jetedi.
Salystyrsaq, kórshi Reseıde bul kórsetkish tek 1,3 myń lıtr, Grýzııada — 1,2 myń lıtr, Ýkraınada — 604 lıtr, al Ulybrıtanııada — bir adamǵa 348 lıtr ǵana», -dep jazady Finprom.kz.
Taldaýdaǵy 179 eldiń ishindegi eń tómen kórsetkish Afrıka elderinde tirkelip otyr. Atap aıtqanda, Kongo Demokratııalyq Respýblıkasy 34 lıtr kórsetkishpen sońǵy orynda tur.
Al birinshi oryndaTúrkimenstan tur. Munda jan basyna shaqqandaǵy kúndelikti sý tutyný kólemi – 16,3 myń lıtr.
Alǵashqy úshtikke Chılı men Gaıana kiredi. Ortalyq Azııadaǵy Ózbekstan (4,8 myń lıtr), Tájikstan (4,5 myń lıtr), jáne Qyrǵyzstannyń (4,3 myń lıtr) sý tutyný kólemi Qazaqstannan joǵary.
Salystyrý úshin aıtsaq, AQSh-ta jan basyna shaqqandaǵy kúndelikti sý tutyný kólemi- 3,8 myń lıtr. Demek, Qazaqstannyń kórsetkishinen 300 lıtr artyq.
Alaıda bul eldiń halyq sany 330 mıllıonnan asatynyn umytpaý kerek.
«Sý tarıfiniń reıtıngine Qazaqstannyń úsh qalasy engen. Olar tizimdegi 123 qalanyń ishinen tıisinshe 0,19, 0,11 jáne 0,1 eýro tarıfpen 117, 118 jáne 119-oryndardy ıelenip tur. ıAǵnı, Qazaqstandaǵy qubyr sýynyń baǵasy álemdegi eń arzan baǵanyń biri bolyp otyr», - dep jazylǵan materıalda.
