Qazaqstan sýbsıdııalaý saıasatyn Kerns toby elderine jaqyndatady - AShM
«Aýyl sharýashylyǵyn sýbsıdııalaýdyń tıimdiligin sheshý maqsatynda biz Kerns tobynyń (Kerns toby - aýyl sharýashylyǵy ónimderin eksporttaýshylar qaýymdastyǵy) tájirıbesin zerdeledik. Esterińizde bolsa, Elbasy sheteldik ınvestorlar keńesinde osyny atap ótken bolaty. 1986 jyly Avstralııanyń Kerns qalasynda osyndaı kelisim jasalǵan, oǵan kiretin toptyń basty maqsaty - aýyl sharýashylyǵy ónimderiniń erkin saýdasyn damytý», - dedi A. Mamytbekov. Mınıstrdiń aıtýynsha, 1986 jyly kelisim qabyldanǵan ýaqytta oǵan múshe elder sany 18 bolsa, qazirgi tańda bulardyń qatary 20 elge jetti. Ol elderdiń barlyǵy da aýyl sharýashylyǵy taýarlarynyń ónimdiligin arttyrýdy, salanyń tıimdiligin kóterýdi maqsat etedi. Qoldaýdyń ortaq sharalarynyń arqasynda bul elder tıimdilikti anyq sezinip otyr.
«Máselen, Eýropa elderinde sýbsıdııany gektaryna bólgende olar óndiristiń óndimdiligin maqsat etpeıdi, kerisinshe keıbir jaǵdaıda fermerlerge óndiriletin taýarlaryna shekteýler jasaıdy. ıAǵnı, eger sharýa belgilengen mejeden artyq ónim óndirse, onda oǵan kerisinshe aıyppul salynýy, sýbsıdııaan aıyrý múmkin. Al Kerns tobyna kelsek, olardyń mindeti bizdiń saıasatymyzǵa uqsaıdy. Sonymen qatar, Qazaqstan da Kerns tobyndaǵy elderdiń basym bóligi sekildi ashyq teńizge shyǵýǵa joly joq memleket bolyp otyr. Áıtse de, biz aýyl sharýashylyǵyn meılinshe kóp tutynatyn eki alyp muhıttyń (memlekettiń) ortasyndamyz», - dedi A. Mamytbekov.
Mınıstrdiń sózine qaraǵanda, Kerns toby taýardyń ózindik qunyna áser etetin sýbsıdııadan tolyǵymen bas tartqan, bul da Qazaqstannyń jaǵdaıyna uqsas bolyp tabylady. DSU-daǵy «jasyl sebet» sýbsıdııalary da Kerns toby elderinde qoldanylmaıdy.
«ıAǵnı, olar qoldanatyn sýbsıdııalar negizinen: paıyzdyq lızıngtik kredıtterdiń stavkalaryn sýbsıdııalaý, ınvestıtsııalyq sýbsıdııalaý, bilimdi sýbsıdııalaý jáne ǵylymdy qarjylandyrý, fıtosanıtarlyq, veterınarlyq qaýipsizdik, ınfraqurylymdy damytý sekildi birqatar sharalar. Bulardyń barlyǵy aýyl sharýashylyǵy salasynyń tıimdiligine janama túrde óte tıimdi áser etedi dep oılaımyz. Sonymen qatar, biz Jańa Zelandııa, Avstralııa elderiniń tájirıbesin qarasaq ta, «jasyl sebet» saıasaty boıynsha qoldaý kórmeı otyrǵan sharýalar tıimdi nátıjelerge qol jetkizetinin kórsetken», - dedi mınıstr.
Aıta keterliligi, qazirgi tańda Kerns tobyna Argentına, Avstralııa, Bolıvııa, Brazılııa, Kanada, Chılı, Kolýmbııa, Kosta-Rıka, Gvatemala, Indonezııa, Malaızııa, Jańa Zelandııa, Pakıstan, Paragvaı, Perý, Fılıppın, OAR, Taıland jáne Ýrýgvaı sekildi elder múshe.