«Qazaqstan sý joldary» kásipornynyń fılıal basshysy 2 jylǵa bas bostandyǵynan aıyryldy

NUR-SULTAN. QazAqparat - «Qazaqstan sý joldary» kásipornynyń fılıal basshysy bıýdjet qarajatyn urlaǵany úshin 2 jylǵa bas bostandyǵynan aıyryldy. Bul týraly QR Sybaılas jemqorlyqqa qarsy is-qımyl agenttiginiń apparat basshysy Qýanysh Japaqov onlaın-brıfıng barysynda aıtty, dep habarlaıdy QazAqparat tilshisi.

Onyń atap ótýinshe, Pavlodar oblystyq sybaılas jemqorlyqqa qarsy qyzmeti 2018 jyly taýarlyq-materıaldyq qundylyqtardy satyp alý týraly jalǵan mámile jasasý arqyly 6,3 mıllıon teńge kólemindegi bıýdjet qarajatyn urlaýǵa kúdikti bolǵan «Qazaqstan sý joldary» RMQK Pavlodar fılıalynyń basshysyna qatysty sotqa deıingi tergeýdi aıaqtady.

«2020 jylǵy 7 sáýirde Pavlodar qalasynyń №2 sotynyń úkimimen atalǵan basshy 2 jyl merzimge bas bostandyǵynan jáne ómir boıyna memlekettik qyzmette laýazym atqarý quqyǵynan aıyryldy», - dedi Qýanysh Japaqov.