«Qazaqstan sý joldary» basshylarynyń biri jemqorlyq kúdigine ilindi

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi «Qazaqstan sý joldary» RMQK basshylarynyń birine qatysty tergeýdi bastady, dep xabarlaıdy QazAqparat tilshisi.

Agenttiktiń resmı ókili Janna Bastarovanyń aıtýynsha, Sybaılas jemqorlyqqa qarsy is-qımyl ulttyq bıýrosynyń Pavlodar oblystyq departamenti «Qazaqstan sý joldary» respýblıkalyq memlekettik kommýnaldyq kásipornynyń bas dırektorynyń orynbasaryna qatysty sotqa deıingi tergeýdi júrgizip jatyr.

«Ol «Qazaqstan sý joldary» respýblıkalyq memlekettik kommýnaldyq kásipornynyń Pavlodar fılıaly basshysynan 1 mıllıon teńge somasynda para aldy degen kúdikke ilindi. Tergeý jalǵasýda», - dedi J.Bastarova Astanada ótken baspasóz máslıxatynda.

Aıta keteıik, búgingi brıfıngte agenttik ókilderi birneshe vıdeony jarııalady. Máselen, Almaty oblysy Uıǵyr aýdany ákiminiń orynbasary óz kabınetinde paramen ustaldy. Al Aqtóbe qalasynda úsh polıtseı bir azamattyń ulyn qylmystyq jaýapkershilikke tartpaǵany úshin 300 myń teńge somasynda para alǵan. Olar zańsyz aqsha alý ústinde qolǵa tústi.