Qazaqstan sý tasqynynan zardap shekken Makedonııaǵa 50 myń eýro beredi
ASTANA. QazAqparat - Qazaqstan Respýblıkasy Makedonııa Respýblıkasyna alapat sý tasqynyna baılanysty izgilik kómek retinde 50 myń eýro beredi, dep habarlaıdy «QazAqparat» HAA «Ádilet» QR Normatıvtik quqyqtyq aktileriniń aqparattyq-quqyqtyq júıesine silteme jasap.
Aǵymdaǵy jyldyń 30 qazanynda Qazaqstan Premer-Mınıstri Baqytjan Saǵyntaev QR Úkimetiniń №680 «Makedonııa Respýblıkasyna resmı izgilik kómek kórsetý týraly» Qaýlysyna qol qoıdy.
Qujatqa sáıkes, Qarjy mınıstrligine QR Úkimetiniń tótenshe rezervinen Makedonııa Respýblıkasyna resmı izgilik kómek kórsetý úshin Syrtqy ister mınıstrligine Ulttyq bankiniń aıyrbastaý kúngi resmı baǵamy boıynsha 50000 eýroǵa balamaly somada qarajat bólýdi tapsyrdy. Tótenshe rezervtiń qarjysy Qazaqstannyń jáne basqa memleketterdiń aýmaǵyndaǵy tabıǵı jáne tehnogendik sıpattaǵy tótenshe jaǵdaılardy joıý úshin 2017 jylǵa arnalǵan respýblıkalyq bıýdjette kózdelgen.
Qaýly qol qoıylǵan kúnnen bastap kúshine endi.
