Qazaqstan sý sportynan halyqaralyq jarystar ótkizýge daıyndyqty kúsheıtedi
ASTANA. KAZINFORM — Memleket basshysy World Aquatics prezıdentin qabyldady. Bul týraly Aqordanyń baspasóz qyzmeti habarlady.
Aqordada Qasym-Jomart Toqaev World Aquatics prezıdenti Hýseın Ál-Mýsallammen kezdesti.
Áńgimelesý barysynda Memleket basshysy halyqaralyq uıymnyń Qazaqstan sý sporty túrleri federatsııasyna kórsetken qoldaýyn joǵary baǵalap, ózara seriktestikti nyǵaıtýǵa nıetti ekenin rastady.
Qasym-Jomart Toqaev qazaqstandyqtardyń sý sporty túrlerine qyzyǵýshylyǵy artyp kele jatqanyn jetkizip, otandyq atletter el namysyn halyqaralyq deńgeıde, sonyń ishinde Olımpıada oıyndary men álem chempıonattarynda laıyqty qorǵap júrgenine toqtaldy.
Osy oraıda, Prezıdent Dmıtrıı Balandınniń Rıo-de-Janeıro Olımpıadasyndaǵy tarıhı jeńisin, Ádilbek Mýsınniń 2022 jyly ótken Azııa oıyndarynda qola medalǵa ıe bolǵanyn eske saldy.
Memleket basshysynyń aıtýynsha, elimizde buqaralyq jáne kásibı sportty damytýǵa, joǵary deńgeıdegi halyqaralyq jarystar ótkizýge qajetti jaǵdaı jasalýda. Ásirese, sport ınfraqurylymyn jetildirýge nazar aýdarylyp otyr.
Hýseın Ál-Mýsallam qol jetkizilgen tabystar men qazaqstandyq sportshylardyń bıyl HH jazǵy Azııa oıyndarynda kórsetken sheberlikteri eldiń sport salasyn órkendetýge aıtarlyqtaı áleýeti bar ekenin aıǵaqtaıtynyn atap ótti.
