Qazaqstan sý qaýipsizdigi boıynsha BUU-men birlese jumys isteýge daıyn – Nurjan Nurjigitov
ASTANA. KAZINFORM - Sý resýrstary jáne ırrıgatsııa mınıstri Nurjan Nurjigitov BUU-nyń Qazaqstandaǵy turaqty úılestirýshisi Sarango Radnaragchamen kezdesti, dep habarlaıdy mınıstrliktiń baspasóz qyzmeti.
Kezdesýde Memleket basshysy Qasym-Jomart Toqaevtyń sý resýrstary salasyndaǵy halyqaralyq ózara is-qımyldy nyǵaıtýǵa baǵyttalǵan bastamalaryn iske asyrýdaǵy áleýetti yntymaqtastyq sóz boldy.
Atap aıtqanda, taraptar Memleket basshysynyń BUU qurylymynda Halyqaralyq sý uıymyn qurý, Qazaqstanda Shanhaı yntymaqtastyq uıymynyń Sý problemalaryn zertteý ortalyǵyn qurý jáne Ortalyq Azııanyń sý paıdalaný jónindegi negizdemelik konventsııasyn ázirleý týraly bastamalaryn talqylady.
Mınıstr men BUU-nyń Qazaqstandaǵy turaqty úılestirýshisi 22-24 sáýir aralyǵynda Astanada ótetin aldaǵy óńirlik ekologııalyq sammıtke daıyndyqty talqylady.
Taraptar sý resýrstaryna qatysty is-sharalardy uıymdastyrý jáne birlesken usynystar ázirleý máselelerin pysyqtaýǵa kelisti.
Kezdesý sońynda mınıstr Radnaragcha hanymdy Qazaqstan Respýblıkasynyń sý sektoryn damytý jónindegi áriptesterdiń Úılestirý keńesiniń aldaǵy otyrysyna qatysýǵa shaqyrdy.
-Biz Qazaqstandaǵy BUU Damý baǵdarlamasymen, sonyń ishinde Úılestirý keńesi aıasynda óte tyǵyz yntymaqtastyq ornatyp kelemiz. Sondaı-aq BUU Damý baǵdarlamasy Islam damý bankimen birlesip eldegi sý sharýashylyǵy ınfraqurylymyn salý jáne rekonstrýktsııalaý jobalaryna belsendi qatysýda. BUU-nyń Azyq-túlik jáne aýyl sharýashylyǵy uıymynyń qoldaýymen halyqaralyq qarjy ınstıtýttarymen ózara is-qımyl júzege asyrylyp keledi. Al ıÝNISEF balalar men jastar arasynda sý resýrstaryn uqypty paıdalanýǵa baǵyttalǵan jobalarǵa qatysady. Memleket basshysy sý qaýipsizdigin qamtamasyz etýde halyqaralyq yntymaqtastyqtyń mańyzyn birneshe ret atap ótti jáne biz bul baǵytta BUU-men birlese jumys isteýge daıynbyz, – dedi Sý resýrstary jáne ırrıgatsııa mınıstri Nurjan Nurjigitov.
Osyǵan deıin BUU sarapshysy Qazaqstanda Sý resýrstarynyń ulttyq aqparattyq júıesin engizý - durys sheshim ekenin aıtqan bolatyn.
