Qazaqstan sý dobynan jasóspirimder arasyndaǵy álem chempıonatynda Sıngapýrdy jeńdi
ASTANA. KAZINFORM – Sý dobynan Qazaqstan jasóspirimder quramasy Horvatııanyń Zagreb qalasynda ótip jatqan álem chempıonatynda ekinshi oıynyn ótkizdi.
Qazaqstandyq sportshylar bul kezdesýde Sıngapýr quramasymen kúsh synasty. Tartysty ótken matchta jerlesterimiz jeńiske jetti.
Negizgi ýaqyt teń aıaqtaldy. Penaltı serııasynda qazaqstandyq oıynshylar dáldik tanytyp, qarsylastarynan basym tústi. Qorytyndy esep - 16:15. QR UOK málimetinshe, Ernar Tilekqabyl kezdesýdiń úzdik oıynshysy atandy.
Aıta keteıik, álem chempıonatyndaǵy alǵashqy oıynda Qazaqstan quramasy Mysyrǵa 9:14 esebimen ese jibergen bolatyn. Búgin, 5 tamyzda, ulttyq qurama Ýrýgvaımen kezdesedi.
Qazaqstan kúresten Túrkııadaǵy halyqaralyq týrnırde úsh medal jeńip alǵanyn jazǵan edik.
