Qazaqstan stýdentteriniń alıansy jetim jáne múgedek balalarǵa arnap avtobýs ekskýrsııasyn uıymdastyrdy
ASTANA. Maýsymnyń 2-si. QazAqparat /Murat Jakeev/ - Maýsymnyń 1-i, Balalardy halyqaralyq qorǵaý kúni, Astanada Qazaqstan stýdentteriniń alıansy ınternat úılerinde tárbıelenetin jetim jáne múgedek balalarǵa arnap qaıyrymdylyq sharasyn uıymdastyrdy.
Bul týraly jastar qozǵalysynyń baspasóz qyzmetinen habarlady.
«Balalyq shaqtyń avtobýsy» dep atalǵan aktsııanyń maqsaty - jetim jáne múgedek balalardyń problemalaryna, olardyń quqyqtaryn, ómirleri men densaýlyqtaryn qorǵaýǵa jurtshylyqtyń nazaryn aýdarý boldy.
Avtobýs ekskýrsııany Jeńis dańǵylynan bastady. Balalar úshin tórt «tilek aıaldamasy» uıymdastyryldy, aıaldamalardyń birinde balalar sýretteriniń konkýrsy ótti, aktsııa seriktesteriniń atynan syılyqtar tabys etildi jáne dastarhan jaıyldy.
Odan keıin balalar «Dýman» oıyn-saýyq ortalyǵy men «Baby Park». otbasylyq oıyn-saýyq ortalyǵynda boldy. Ol jerlerde balalarǵa arnap túrli oıyndar, baǵdarlamalar uıymdastyryldy. Odan keıin elordanyń ortalyq alańyna aıaldama jasaldy, dep habarlady Alıanstyń baspasóz qyzmetinen.
