Qazaqstan stýdentteriniń 63 paıyzy aqyly bólimde oqyp júr

ASTANA. QazAqparat - 2022-2023 oqý jylynda stýdentter sany 578,2 myń adamǵa jetti, onyń ishinde qyzdar – 308,6 myń adam nemese 53,4%, dep habarlaıdy QazAqparat Ulttyq statıstıka bıýrosyna silteme jasap.

Stýdentterdiń jalpy sanynyń kúndizgi bóliminde 98,5%, syrttaı – 0,7% jáne keshki oqý túrinde 0,8% oqıdy.

Memlekettik joǵary jáne joǵary oqý ornynan keıingi bilim uıymdarynda oqıtyn stýdentterdiń úlesi - 21,7%, jeke uıymdarda - 77,5%, sheteldik uıymdarda – 0,7%.

Joǵary bilim berý baǵdarlamalary boıynsha esepti oqý jylynda memlekettik bilim granty boıynsha 213,4 myń adam nemese 36,9% oqıdy.

Aqyly bilim qyzmetterin 364,9 myń adam nemese bilim alýshylardyń jalpy sanynyń 63,1% alady.

2022-2023 oqý jylynyń basynda qabyldanǵan stýdentter sany 163,5 myń adamdy qurady, onyń ishinde qyzdar – 86,2 myń adam nemese 52,7%.

Oqýǵa túsken stýdentterdiń jalpy sanynyń 68,6% – jalpy orta bilim bazasynda, 20,2% – tehnıkalyq jáne kásiptik bilim bazasynda jáne 11,2% - joǵary bilim bazasynda qabyldandy.

Esepti jyly qabyldanǵan stýdentterdiń jalpy sanynyń 1,7% - TMD elderinen, 1,2% - alys shetelden keldi, Qazaqstannan qabyldanǵan stýdentterdiń úlesi - 97,1%.

Qaladan tys jerlerden kelgen stýdentterdiń jalpy sany - 295,1 myń.

Onyń 24,8% jataqhanada turady, al 40%jataqhanaǵa muqtaj.

2022-2023 oqý jylynyń basynda 555,7 myń adam nemese stýdentterdiń jalpy sanynyń 96,1% - Qazaqstan turǵyndary, 11,1 myń adam nemese 1,9% TMD elderinen jáne 11,4 myń adam nemese 2% alys shet elderden keldi.

Stýdentterdiń eń kóbi Ózbekstannan (1,4%) jáne Úndistannan (1,3%).