Qazaqstan stýdentterine saıasattaný jańa oqýlyq boıynsha oqytylady
ASTANA. QazAqparat - Qazaqstanda saıasattaný boıynsha jańa oqýlyq shyǵaryldy. Bul týraly búgin Ortalyq kommýnıkatsııalar qyzmetindegi baspasóz máslıhatynda «Saıasattanýshylar kongresinniń» basqarýshy dırektory Janargúl Qusmanǵalıeva málim etti.
Onyń aıtýynsha, bul oqýlyq - saıasattaný salasynda aldyńǵy qatarly ǵylym qaıratkerleri men sarapshylardyń jumysynyń nátıjesi. Osy oraıda ol bundaı oqýlyq oqý oryndary úshin óte qajet bolǵanyn atap ótti.
Óz kezeginde QR Prezıdenti janyndaǵy «Qoǵamdyq kelisim» uıymynyń basshysy Natalıa Kalashnıkova joǵary oqý oryndary úshin qazirgi zamanǵy laıyqty oqýlyqtyń bolmaýy úlken problemaǵa aınalǵanyn jetkizdi.
«Bul irgeli eńbek óte mańyzdy ekenin aıtqym keledi. Búginde polıtologııa baǵytynda eshbir oqýlyq osyndaı tyń mazmunda bolmaǵan edi. Onyń ereksheligi nede? Teorııalyq, ádisnamalyq jáne tájirıbelik-negizdemelik qadamdar shemalyq túrde sýrettelgen. Búginde jas saıasattanýshylar úshin bundaı baǵyt óte mańyzdy. Bul oqýlyq basyp shyǵarýda ınnovatsııalyq tyń qadam», - dedi ol.
