Qazaqstan stýdentteri tólem merzimi keıinge qaldyrylǵan kepilsiz nesıeni ala alady

NUR-SULTAN. QazAqparat - Qazaqstan stýdentteri oqý aqysyn tóleý úshin negizgi qaryzdy 10 jylǵa deıingi merzimge keıinge qaldyrý arqyly kepilsiz nesıe ala alady, dep habarlaıdy QazAqparat QR Bilim jáne ǵylym mınıstrliginiń «Qarjy ortalyǵy» AQ baspasóz qyzmetine silteme jasap.

Nesıeler boıynsha kepil retinde QR BǴM «Qarjy ortalyǵy» AQ kepildigi áreket etedi.

Qarjy ortalyǵy baspasóz qyzmetiniń habarlaýynsha, nesıe boıynsha jeńildik kezeńine oqý merzimi jáne negizgi oqý kýrsy aıaqtalǵannan keıin alty aı kiredi. Bul kezeńde tek paıyzdyq mólsherleme tólenedi. Sodan keıin negizgi qaryzdy tóleý merzimi bastalady.

Nesıe kepilsiz jáne syıaqy mólsherlemesi 20%.

Qazaqstannyń barlyq aımaqtarynda jáne elimizdiń barlyq joǵary oqý oryndarynda oqý úshin maqsatty nesıe alý múmkindigi bar.

Nesıe alýshy kelesi qujattardy usynýy kerek:

- jeke kýálik / pasport;

- UBT/KTA sertıfıkaty nemese sońǵy sessııanyń transkrıpti;

- oqý merziminiń quny kórsetilgen JOO-men kelisim nemese tólemge shot.

Qatysýshylardyń sharttary men bankteri týraly tolyq aqparatty 8 800 080 28 28 telefony arqyly alýǵa bolady.