Qazaqstan stýdentteri ózderiniń jańa kóshbasshysyn saılady
ASTANA. 19 qarasha. QazAqparat - Qazaqstan stýdentteri alıansynyń (QSA) jańa kóshbasshysy bolyp Arman Abdollaev saılandy.
Onyń kandıdatýrasy atalǵan uıymnyń onynshy sleti barysynda maquldandy.
A. Abdollaev QSA-nyń vıtse-kóshbasshysy bolǵan edi jáne Astanadaǵy fılıalǵa jetekshilik etti. Uıymnyń burynǵy kóshbasshysy Shyńǵys Beskempirov A. Abdollaevty quttyqtap, uıymnyń atynan belsendi stýdentterdi atap ótti.
Sletke 150-ge jýyq memlekettik jáne memlekettik emes joǵary oqý oryndarynyń belsendi stýdentteri jınaldy. Búgin osy jıyn barysynda óńirlik kóshbasshylar ótip bara jatqan jylda atqarylǵan jumystary jaıynda esep berip, baıandamalaryn jasady. Buǵan qosa, olar 2020 jylǵa deıingi memlekettik jastar saıasaty tujyrymdamasynyń jobasyn talqylap, Ulttyq stýdenttik keńestiń máselesi, sondaı-aq stýdentterdiń ózekti problemalary aıasynda sóz qozǵady.
