Qazaqstan stýdentteri alıansynyń atyraýlyq fılıaly JOO-da oqıtyndardyń jol aqysyn 50 paıyzǵa tómendetýge qol jetkizdi
ASTANA. 19 qarasha. QazAqparat - Qazaqstan stýdentteri alıansynyń atyraýlyq fılıaly qaladaǵy joǵary oqý oryndarynda bilim alatyndar úshin qoǵamdyq kólikterdegi jol júrý aqysyn 50 paıyzǵa tómendetýge qol jetkizdi.
Bul jaıynda atalǵan jastar uıymynyń onynshy sletinde onyń vıtse-kóshbasshysy Shyńǵys Beskempirov aıtty.
«Ol úshin 47 mln. teńge bólindi. Biz bul baǵyttaǵy jumystardy basqa óńirlerde de jalǵastyrmaqpyz»,-dedi ol.
Sonymen qatar Shyńǵys Beskempirov uıymnyń óńirlik kóshbasshylaryna jeńildikti jol júrý aqysymen qatar, jataqhanalardyń qurylysy boıynsha máselelerdi sheshý sharalaryn eskerýdi talap etti.
Sletke 150-ge jýyq memlekettik jáne memlekettik emes joǵary oqý oryndarynyń belsendi stýdentteri jınaldy. Búgin osy jıyn barysynda óńirlik kóshbasshylar ótip bara jatqan jylda atqarylǵan jumystary jaınyda esep berip, baıandamalaryn jasady. Buǵan qosa, olar 2020 jylǵa deıingi memlekettik jastar saıasaty tujyrymdamasynyń jobasyn talqylap, Ulttyq stýdenttik keńestiń máselesi, sondaı-aq stýdentterdiń ózekti problemalary aıasynda sóz qozǵady.
