Qazaqstan stýdentter quramasy XXXI Dúnıejúzilik Jazǵy ýnıversıadaǵa qatysady
ASTANA. QazAqparat – Qazaqstan stýdentter quramasy bıyl 28 shilde men 8 tamyz aralyǵynda Chendý qalasynda (Qytaı) ótetin XXXI Dúnıejúzilik Jazǵy ýnıversıadaǵa qatysady, dep habarlaıdy QazAqparat.
Qazaqstandyq komanda sporttyń 10 túrinen baq synaıdy. Atap aıtsaq, sadaq atý, gımnastıka, jeńil atletıka, semserlesý, dzıýdo, júzý, ústel tennısi, taekvondo, oq atý, ýshý jarystaryna qatysady.
Qazaqstandyq delegatsııa quramynda 116 adam, onyń ishinde 90 sportshy, 20 jattyqtyrýshy, shtabtyń 6 ókili jáne medıtsına qyzmetkerleri bar.
«Qytaıdaǵy XXXI Dúnıejúzilik Jazǵy ýnıversıadaǵa qatysý úshin RB-ten 244 mln teńge bólindi. Qarajat tek delegatsııaǵa qatysýshylar úshin qarastyrylǵan.
Atalǵan qarajat Dúnıejúzilik Ýnıversıadalarǵa daıarlaýǵa, onyń ishinde akkredıtteý, turý jáne tamaqtaný, tóreshilik etý, ushý bıletterin satyp alý (barý-qaıtý), qurama komandaǵa arnalǵan sporttyq jabdyqqa tapsyrys berý, vızalyq shyǵystar, sportshylardy saqtandyrý úshin halyqaralyq stýdenttik sport federatsııasynyń (FISU) reglamentterine sáıkes mindetti jarnalar men alymdardy engizýge baǵyttalǵan. Sonymen qatar qaýipsizdik úshin jaǵdaı jasaý, medıtsınalyq preparattarmen qamtamasyz etý jáne basqa da shyǵyndarǵa jumsalady.
«Qazaqstan quramasyna dzıýdo, taekvondo, júzý, ústel tennısi jáne jeńil atletıka sııaqty sport túrlerinen Respýblıkalyq XII ýnıversıadada júldeli oryndarǵa ıe bolǵan sportshylar kirdi. Gımnastıka, sadaq atý, semserlesý, oq atý jáne ýshý jarystarynda óner kórsetken qatysýshylar respýblıkalyq jáne halyqaralyq irikteý týrnırleri men chempıonattarda Dúnıejúzilik ýnıversıadaǵa joldama aldy», – dedi Ǵylym jáne joǵary bilim mınıstrligi baspasóz qyzmetinen.
