Qazaqstan stýdenti Brıýsseldegi referendýmda ulttyq kıimmen daýys berdi
ASTANA. KAZINFORM – Qazaqstan Respýblıkasynyń Belgııa Koroldigi men Lıýksembýrg Uly Gertsogtigindegi elshiligindegi № 405 referendým ýchaskesi Brıýssel ýaqyty boıynsha tańǵy saǵat 7:00-de ashyldy, dep habarlaıdy Kazinform agenttiginiń EO-daǵy menshikti tilshisi.
Saılaý ýchaskesi Brıýssel ýaqytymen tańǵy saǵat 7:00-de ashyldy. Daýys berý saılaý zańnamasy tártibine sáıkes bastaldy.
Belgııa men Lıýksembýrgte turaqty turatyn nemese osy elderde ýaqytsha júrgen Qazaqstan azamattary kelesi mekenjaı boıynsha daýys bere alady: Brıýssel qalasy, Ýkkel kommýnasy, Van Bever dańǵyly, 30 úı.
Daýys berý ýchaskesine alǵashqylardyń biri bolyp qazaqstandyq stýdent Armanjan Narbekov (KU Leuven ýnıversıteti) keldi. Ol tańdaýyn ulttyq kıim kıip jasaýdy jón kórdi.
- Men úshin referendým birinshi kezekte azamattyq ustanymymdy bildirý jáne elimizdiń taǵdyryna qatysty iske belsendi atsalysý múmkindigi.
Maǵan Belgııadaǵy daýys berý protsesi qatty unady: bári jaqsy uıymdastyrylǵan, al elshilik qyzmetkerleri maǵan qalaı durys daýys berý kerektigi týraly keńes berdi.
Men referendýmǵa ulttyq kıim – shapanmen kelýdi sheshtim, bul meniń otandastaryma qurmetimdi kórsetý jáne sonymen birge azamattyq boryshymdy mádenıetimizdiń sımvolyn kıip oryndaý, - dep baıandady A.Narbekov Kazinform-ǵa.
Brıýsseldegi saılaý ýchaskesi shamamen 200 qazaqstandyq saılaýshyny qabyldaýdy josparlap otyr. Olardyń arasynda qazaqstandyq dıplomattar men olardyń otbasy músheleri, eýropalyq mekemelerde akkredıttelgen tilshiler, shyǵarmashylyq ıntellıgentsııa, ǵylymı qaýymdastyq, bıznes ókilderi jáne stýdentter bar.
Saılaý týraly zańnamaǵa sáıkes, Brıýsseldegi daýys berý Ortalyq Eýropa ýaqytymen keshki saǵat 20:00-ge deıin jalǵasady.
Osyǵan deıin referendýmnyń Túrkııada qalaı ótip jatqanyn jazdyq.