Qazaqstan stend atýdan Qytaıdaǵy álem kýbogy kezeńinde úzdik ondyqqa endi
ASTANA. KAZINFORM — Qazaqstandyq sportshylar Qytaıdyń Hanchjoý qalasynda ótip jatqan stend atýdan álem kýbogynyń kezeńinde úzdik ondyqqa endi.
Nargıza Sarmanova men Mark Pochıvalov aralas komandalar arasyndaǵy «trap» baǵdarlamasynda segizinshi orynǵa turaqtady. Fınalǵa úzdik tórt komanda ǵana joldama aldy.
Jarys qorytyndysy boıynsha Aýstralııa quramasy jeńiske jetti. Qytaı ekinshi oryn alsa, Italııa úzdik úshtikti túıindedi.
Qazaqstandyqtar Danııl Pochıvalov pen Eleonora Ibragımova 17-orynǵa turaqtady.
Eske salaıyq, buǵan deıin Qazaqstan dzıýdodan jastar arasyndaǵy Azııa kýbogynda toǵyz medal jeńip alǵanyn jazǵanbyz.
