Qazaqstan stend atýdan Azııa chempıonatynda taǵy bir altyn medal jeńip aldy
ASTANA.KAZINFORM – Qazaqstan quramasy stend atýdan Dohada (Qatar) ótip jatqan Azııa chempıonatynda taǵy birneshe júldege qol jetkizdi.
QR UOK málimetinshe, Eleonora Ibragımova, Anastasııa Prılepına jáne Nargıza Sarmanova el qorjynyna altyn medaldi saldy. Otandastarymyz «trap» baǵdarlamasy boıynsha komandalyq saıysta úzdik nátıje kórsetti.
Sonymen qatar «trap» dıstsıplınasynda qazaqstandyq mergender jekeleı synda da tabysty óner kórsetti. Maksım Bedarev pen Eleonora Ibragımova kúmis júlde ıelendi.
Buǵan deıin ulttyq qurama «skıt» túrinen eki altyn, bir kúmis jáne úsh qola medal jeńip alǵan bolatyn.
Aıta keteıik, fýtzaldan Qazaqstan U-19 quramasynyń aǵa bapkeri taǵaıyndaldy.
Olımpıada aldyndaǵy sońǵy álem kýbogi kezeńine qatysatyn qazaqstandyqtar anyqtaldy.
