Qazaqstan Statıler isi boıynsha shved sotyna shaǵymdanbaq

ASTANA. QazAqparat - Qazaqstan Respýblıkasy Anatolıı Statıniń, onyń uly Gabrıel Statıniń jáne Ascom Group S.A. jáne Terra Raf Trans Trading Ltd. olardyń kompanııalarynyń áreketterine qarsy jumysty jalǵastyryp jatyr, dep habarlaıdy Ádilet mınıstrliginiń baspasóz qyzmeti.

Bul áreketter 2013 jylǵy 19 jeltoqsandaǵy Stokgolmdegi tórelik trıbýnaldyń qabyldaǵan sheshimine baılanysty júrgizilýde.

Sheshim Stokgolm saýda palatasynyń Tórelik reglamentin buzýmen qabyldaǵandyqtan, Qazaqstan Respýblıkasy Stokgolmdegi «Svea» Apellıatsııalyq sotta Tórelik sheshimdi joıýǵa bastama jasady.

Keıingi talqylaýlar ústinde Ádilet mınıstrligi Statılerdiń kóp jyldyq aýqymdy alaıaqtyq shemasyn anyqtady.

«Shvedtik apellıatsııalyq protseste Statı tarapymnan alaıaqtyq faktileri týraly dálelder máni jóninde qarastyrylmady jáne 2016 jylǵy 9 jeltoqsanda «Svea» Apellıatsııalyq sot Tórelik sheshimdi kúshinde qaldyrdy.
Appellıatsııalyq sot sheshimine shaǵymdaný úshin Respýblıka dereý Shvetsııanyń Joǵarǵy sotyna aryzdandy. 2017 jylǵy 24 qazanda Shvetsııanyń Joǵarǵy soty Qazaqstan Respýblıkasynyń ótinishin qaıtardy.

Shvetsııa Joǵarǵy sotynyń osy sheshimi atqarýshylyq is júrgizý ústinde Tórelik sheshim alaıaqtyq jolmen qabyldanǵany týraly 2017 jylǵy 6 maýsymda tanylǵan Anglııanyń Joǵary sotynyń sheshimine qaıshy júrip jatyr. Osy kúnge deıin jalǵasyp jatqan máni jóninde tyńdaýlar taǵaıyndaldy», - delingen baspasóz habarlamasynda.

Odan basqa, Statıler jasaǵan áreketi úshin ony jaýaptylyqqa tartý maqsatynda, uıymdasqan qylmysqa qarsy kúres týraly zań negizinde Vashıngton Aımaqtyq sotyna talap berildi.

Qazirgi kezde Statıler áreketterimen keltirilgen zaqymdy joıý maqsatynda halyqaralyq jarııa quqyq normalaryna sáıkes Qazaqstan Respýblıkasy Tórelik sheshimge shaǵym túsirý úshin materıaldardy daıyndaýda.