Qazaqstan Statı isin Tımýr Qulybaevtyń esebinen rettedi me – mınıstr jaýaby

ASTANA. KAZINFORM –  Ádilet mınıstri Erlan Sársembaev Úkimet otyrysynda Qazaqstan Úkimeti men aǵaıyndy Statıler arasyndaǵy kópjyldyq daýdyń aıaqtalýy týraly pikir bildirdi.

- BAQ-ta Qazaqstan Statı isin Tımýr Qulybaevtyń esebinen rettegeni týraly aqparat tarady. Bul aqparatty rastaısyz ba? Shynymen de Qazaqstan Staıtı isin ertteý úshin 500 mln dollar óteýge mindetteldi me? - dep surady jýrnalıst Úkimet otyrysynan keıin ótken baspasóz máslıhatynda.

Mınıstr eki tarap qupııa kelisimge qol jetkizgendikten ekinshi jaqtyń kelisimi bolmasa, istiń egjeı-tegjeıin ashyp aıta almaıtynyn túsindirdi.

- Jalpy aıtqanda, ótken jyly Ádilet mınıstrligi jaǵynan tolyqqandy aqparat berildi. Bul másele bizdiń jaqtan jabyldy. Qazirgi kezde búkil tıisti kelisimsharttar qupııa túrde jazylǵan. Sondyqtan men ekinshi tarapsyz bul aqparatty sizge ashyq túrde aıta almaımyn. Qupııa túrde jasalǵandyqtan bul másele jabyq tur. Búgingi kezde bıýdjetten bir de bir tıyn qosymsha tartylǵan joq, - dedi Erlan Sársembaev.

Eske salsaq, byltyr Ulttyq bank tóraǵasy Tımýr Súleımenov Ulttyq qorǵa 80 mln dollar somasynda qaıtarylǵan aktıv týraly túsinik bergen edi.