Qazaqstan Stambul baǵyty boıynsha áýereısterin jandandyrdy
ASTANA. QazAqparat - Qazaqstan Stambul baǵyty boıynsha áýereısterin jandandyrdy. Bul týraly «QazAqparat» tilshisine QR IDM Azamattyq avıatsııa komıtetinen habarlady.
«Qazaqstan Stambul baǵyty boıynsha áýereısterin jandandyrdy. Degenmen, azdaǵan keshiktirýler bar. Qazirgi ýaqytta sońǵy oqıǵalarǵa baılanysty reıster ýaqytynan keshiktirilýde. Keshe biz qazaqstandyq áýekompanııaǵa usynystar jiberdik. Ony biz saıtta resmı jarııalaıtyn bolamyz», - dedi komıtetten.
Bul aqparatty QR Investıtsııalar jáne damý mınıstrliginiń resmı ókili Qaısar Jumabaıuly da rastady.
«QR IDM Azamattyq avıatsııa komıteti Túrkııadaǵy jaǵdaıdy eskere otyryp, kestege sáıkes, 2016 jylǵy 16 shilde 19:00 saǵatta Ystambuldan (Túrkııa) josparlanǵan reısterdi jalǵastyrý týraly usynyspen «Eır Astana», «SCAT» áýekompanııalaryna jáne
«Qazáýenavıgatsııa» RMK mekemesine jedelhat joldady», - dedi Qaısar Jumabaıuly óziniń Facebook-tegi paraqshasynda.
Vedomstvonyń habarlaýynsha, qazirgi ýaqytta negizinen reıster Almaty-Stambul baǵytynda júrgizilýde.
Aıta keteıik, QR Investıtsııalar jáne damý mınıstrligi Azamattyq avıatsııa komıtetiniń jedel telefony jumys isteýde: 75-48-10, 75-48-06.
