Qazaqstan «Spýtın Laıt» vaktsınasyn jetkizýge qatysty kelissóz júrgizip jatyr

NUR-SULTAN. QazAqparat – Qazaqstan «Spýtın Laıt» vaktsınasyn jetkizýge qatysty kelissóz júrgizip jatyr. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Jaqyn arada «Spýtın Laıt» vaktsınasy bolady. Jetkize salysymen revaktsınatsııa úshin qoljetimdi etemiz. Biz kelissóz jasadyq. Qazir jetkizýge qatysty kelissóz júrgizilip jatyr. Búginde eki joldyń qaısy jyldam bolatyndyǵyn qarastyryp jatyrmyz. Ne ózimizde shyǵaramyz, ne bolmasa tezirek jetkizemiz», - dedi Alekseı Tsoı Úkimet otyrysynan keıin BAQ ókilderine bergen suhbatynda.

Jalpy, mınıstr dereginshe, QazVac, «Spýtnık V» syndy vaktsınalardyń 1-komponentimen elimizde 8,8 mln-nan astam, ekinshi komponentimen 8,3 mln-nan astam adam egildi. Sonymen qatar 136 myń adam revaktsınatsııa aldy, 188 myń adam Pfizer vaktsınasyn saldyrdy.

Ol sondaı-aq «Spýtnık-V» vaktsınasynyń revaktsınatsııaǵa qoldanylmaý sebebin túsindirdi.