«Qazaqstan sportyn transformatsııalaý» jobalyq keńsesiniń jumys organyna qandaı sportshylar endi
NUR-SULTAN. QazAqparat – «Qazaqstan sportyn transformatsııalaý» jobalyq keńsesiniń jetekshisi Qambar Omarov atalǵan jobalyq keńseniń jumys organyna qandaı tanymal sportshylar engenin aıtyp berdi, dep habarlaıdy QazAqparat tilshisi.
Aıta keteıik, jaqynda elimizde «Qazaqstan sportyn transformatsııalaý» jobalyq keńsesi quryldy.
«Jumys organynyń quramyna saladaǵy bilikti 55 adam endi. Kún saıyn basqa da mamandar telefon shalyp, ózderiniń bastamalary men usynystaryn aıtyp jatyr. Meniń oıymsha, bul endi bastapqy tizim. 55 adamnyń arasynda tanymal sportshylar men bapkerler bar», - dedi Qambar Omarov Ortalyq kommýnıkatsııalar qyzmetinde.
Osy oraıda ol jumys organy sapynda álem chempıondary men Olımpıada chempıondary bar ekenin jetkizdi.
«Tursynǵalı Edilov, Baqtııar Artaev, Vasılıı Jırov, ıÝrıı Melnıchenko, Eldos Smetov, Aleksandr Vınokýrov, Aıdar Mahmetov syndy azamattar bar. Bizdiń komandaǵa taǵy da birneshe tanymal sportshylar kirýge nıet bildirip otyr», - dedi Q. Omarov.
Budan buryn habarlanǵandaı, «Qazaqstan sportyn transformatsııalaý» jobalyq keńsesi jumysynyń jeti negizgi baǵyty aıtyldy.
