Qazaqstan sporttyq bıden álem chempıonatynda alǵash ret jeńiske jetti
ASTANA. QazAqparat – Qazaqstandyq jup Maksım Jılenkov pen Arına Molochnıkova Latvııanyń Salaspıls qalasynda sporttyq bıden ótken álem chempıonatynda jeńimpaz atandy, dep habarlaıdy QazAqparat tilshisi.
Sportty damytý dırektsııasynan málim etkenindeı, atalmysh dodaǵa álemniń 32 elinen sportshylar qatysyp, baq synady.
M.Jılenkov pen A.Molochnıkova 16-18 jas aralyǵyndaǵylar arasynan úzdik shyqty. Olar 10 bıden (qossaıys) úzdik úshtiktiń qatarynan kórindi.
Osylaısha, Maksım men Arına el tarıhynda sporttyq bıden alǵash ret álem chempıonatynyń altyn júldesin jeńip aldy.
Eske sala keteıik, budan buryn qazaqstandyq jas tennısshiniń Ispanııadaǵy týrnırdiń absolıýtti chempıony atanǵanyn jazǵan bolatynbyz.
Foto: instagram.com/kaz_dancesport
