Qazaqstan sportshylary Polshadaǵy Álem kýbogynda óner kórsetti
NUR-SULTAN. QazAqparat – Polshanyń Tomashýv-Mazoveetskı qalasynda Konkımen júgirý sportynan álem kýbogy ótip jatyr. Týrnır aıasynda Qazaqstan sportshylary óner kórsetti, dep habarlaıdy QazAqparat tilshisi Sports.kz saıtyna silteme jasap.
V dıvızıonynda 500 metrlik qashyqtyqta jarys jolyna shyqqan otandasymyz Ekaterına Aıdova 39,062 (+0,43) nátıjemen tórtinshi orynǵa turaqtady. Al 1 myń metrlik qashyqtyqtaǵy jarys barysynda ol qarsylastarynan ozyq shyǵyp, 1:17,194 nátıjesin kórsetti.
Al V dıvızonynyń 1 500 metrlik qashyqtyqtaǵy jarys jolynda birden 4 qazaqstandyq sportshy óner kórsetti. Olardyń arasynda Dmıtrıı Morozov qana jaqsy nátıje kórsetip, 1:49,574 (+2,23) kórsetkishimen 17-orynǵa taban tiredi. Al Denıs Kýzın (+3,26) 23-shi, Vıtalıı Şıgolev (+3,51) 26-shy jáne Demıan Gavrılov (+4,07) 33-shy oryn aldy.
