Qazaqstan sportshylary Olımpıada oıyndaryna 102 lıtsenzııa jeńip aldy
ASTANA. 13 maýsym. QazAqparat - Qazaqstan sportshylary Londonda ótetin HHH jazǵy Olımpıada oıyndaryna sporttyń 24 túri boıynsha 102 lıtsenzııa jeńip aldy, dep habarlady QR Sport jáne dene shynyqtyrý isteri agenttiginiń tóraǵasy Talǵat Ermegııaev.
Bul týraly Úkimettiń pm.kz saıtynda habarlanǵan.
Búgingi baspasóz máslıhaty barysynda Sport jáne dene shynyqtyrý isteri agenttiginiń tóraǵasy Qazaqstan sportshylary tórt jylda bir keletin osynaý dúbirli dodaǵa joǵary deńgeıde daıyndalyp jatqanyn atap ótti. Qazaqstan sportshylary búgingi kúnge deıin sporttyń 24 túri boıynsha 102 lıtsenzııaǵa ıe boldy.
«Erler quramasynyń sporttyń sýdaǵy túri - sý dobynan olımpıada lıtsenzııasyn ıelenýi aıtarlyqtaı jetistik », - dep atap ótti Talǵat Ermegııaev.
Sondaı-aq, Agenttik tóraǵasynyń habarlaýynsha, ótken jyldyń qorytyndysy boıynsha 2 altyn, 7 kúmis jáne 6 qola, barlyǵy 15 medal ıelengen Qazaqstan álemdik reıtıngte medaldar sany boıynsha 14-shi oryndy, altyn medaldar sany boıynsha 22-shi oryndy ıelengen. Bul elimizdegi sporttyń áldeqaıda alǵa basqanyn kórsetedi.
Mysaly, olımpıada óterdiń aldyndaǵy 2007 jyly Qazaqstan álemdik reıtıngte tek 42-shi oryndy ıelengen.
Baspasóz máslıhaty barysynda QR Sport jáne dene shynyqtyrý isteri agenttiginiń tóraǵasy Talǵat Ermegııaev pen «Samuryq-Qazyna» Ulttyq ál-aýqat qory» AQ basqarma tóraǵasy Ómirzaq Shókeev Londonda ótetin HHH jazǵy Olımpıada jáne HІV Paralımpıada oıyndaryna daıyndyq jáne qatysý aıasynda yntymaqtastyq týraly memorandýmǵa qol qoıdy.
Memorandým boıynsha, Qorǵa London qalasynda ótetin HHH jazǵy Olımpıada jáne HІV Paralımpıada oıyndarynda QR Ulttyq quramasynyń resmı áriptesi dárejesi berildi.
