Qazaqstan sportshylary motokrostan Tashkentte ótken jarysta júldeli oryndarǵa ıe boldy
TAShKENT. 21 maýsym. QazAqparat /Qurmat Samarhan/ - Qazaqstan sportshylary Ózbekstan astanasynda Táýelsizdik kýbogy úshin motokrostan ótken jarystyń júldeli oryndaryna ıe boldy.
«ÝzA» memlekettik aqparat agenttigi habarlaǵandaı, el táýelsizdiginiń 20 jyldyǵyna arnalǵan jarysqa Tashkent qalasynan jáne Qazaqstanny qalalary men aýdandarynan barlyǵy otyzdan astam sportshy qatysqan.
Mototsıkl jarysynda eresekter arasynda tashkenttik sport sheberi Aleksandr Kondrashov birinshi oryndy jeńip aldy, Qazaqstan namysyn qorǵaǵan Nıkolaı Klımakın ekinshi oryndy ıelendi, taǵy bir tashkenttik sportshy Evgenıı Lvov úshinshi oryndy mise tutty.
