Qazaqstan sportshylar odaǵy Qasym-Jomart Toqaevty prezıdenttikke kandıdat retinde usyndy

ASTANA. QazAqparat – «Qazaqstan sportshylar odaǵy» respýblıkalyq qoǵamdyq birlestigi elordadaǵy «Barys Arena» kesheninde eldiń sport qaýymdastyǵynyń ókilderimen kezdesý uıymdastyrdy, dep habarlaıdy QazAqparat tilshisi.

Shara aıasynda sportshylar odaǵy Qasym-Jomart Toqaevty kezekten tys prezıdent saılaýyna kandıdat retinde usyný týraly sheshim qabyldady.

«Elimizdi Prezıdent Qasym-Jomart Toqaev bastaǵan jańa reformalar kútip tur. Ol áleýmettik ádildik pen barshaǵa teń múmkindikterdi basty baǵyt retinde usynady. Búginde sportshylarymyz Qazaqstannyń atynan túrli halyqaralyq arenalarda óner kórsetip júr. Myqty ekonomıka men birliktiń arqasynda biz úlken jetistikterge jettik. Onyń ishinde sport salasynyń jetistikteri de bar», - dedi odaq múshesi, Olımpıada chempıony Serik Sápıev.

Sharaǵa jınalǵandar Qasym-Jomart Toqaevtyń kandıdatýrasyn biraýyzdan qoldady.

Foto:akorda.kz