Qazaqstan sportshylarynyń 4 aıdaǵy jarqyn jeńisteri
ASTANA. KAZINFORM — Qazaqstan qurmasy tyńǵylyqty daıyndyqtyń nátıjesinde Álem jáne Azııa chempıonattarynda 47 (29 altyn, 8 kúmis, 9 qola) medal enshiledi.
2025 jyldyń basynan bastap Qazaqstan quramasynyń olımpıadalyq, paralımpıadalyq, olımpıadalyq emes jáne ulttyq sport túrlerinnen halyqaralyq jarystarda qol jetkizgen tarıhı jetistikteri men medaldar jıyny:
Paralımpıadalyq jáne sýrdlımpıadalyq sport
Qańtar-sáýir aılarynda para jáne sýrdo sportshylar 68 medal enshiledi — 30 altyn, 19 kúmis, 19 qola.
Bul tizimde Qazaqstan tarıhynda tuńǵysh ret para bıatlonynan álem kýbogynyń qorytyndysy boıynsha hrýstal globýstyń ıegeri atanǵan Erbol Hamıtovtyń jeńisin erekshe atap ótken jón.
Olımpıadalyq sport túrleri
Olımpıadalyq sport túrleriniń ókilderi el qorjynyn 227 medalmen tolyqtyrdy, onyń ishinde:
— 189 medal jazǵy sport túrleri boıynsha (62 altyn, 66 kúmis, 62 qola)
— 38 medal qysqy sport túrleri boıynsha (8 altyn, 17 kúmis, 13 qola)
Basty oqıǵalardyń biri — Serbııada ótken bokstan áıelder arasyndaǵy álem chempıonaty. Bul synda Nazym Qyzaıbaı Qazaqstan boksynyń tarıhynda biregeı jetistikke qol jetkizip, úsh dúrkin álem chempıony atandy.
Sondaı-aq mańyzdy jetistikterdiń taǵy biri — Mıhaıl Shaıdorovtyń Bostonda ótken mánerlep syrǵanaýdan álem chempıonatynda qol jetkizgen kúmis medali. Bul jetistik arqyly Qazaqstan Mılan-2026 Olımpıadasyna joldama enshiledi.
Konkıshi Evgenıı Koshkın eki márte Álem kýbogynyń kezeńinde jeńimpaz atanyp, 100 metr qashyqtyqta beıresmı álemdik rekord ornatty.
Olımpıadalyq emes sport túrleri
Bul baǵyt boıynsha qazaqstandyq sportshylarlyń qorjynynda 50 medal bar — 31 altyn, 14 kúmis, 5 qola.
Ulttyq sport túrleri
Qazaqstan qurmasy tyńǵylyqty daıyndyqtyń nátıjesinde Álem jáne Azııa chempıonattarynda 47 (29 altyn, 8 kúmis, 9 qola) medal enshiledi:
Qazaq kúresi: 20 medal — 16 altyn, 2 kúmis, 2 qola
Jamby atý: 5 medal — 1 altyn, 2 kúmis, 2 qola
Dástúrli sadaq atý: 12 medal — 3 altyn, 3 kúmis, 6 qola
Teńge ilý: 4 medal — 3 altyn, 1 kúmis
Aýdaryspaq: 6 altyn — barlyq sanat boıynsha altyn júlde.
2025 jyldyń qańtar-sáýir aıy aralyǵyndaǵy jalpy qortyndy:
392 medal, onyń ishinde:
— 160 altyn
— 124 kúmis
— 108 qola
Aıta ketelik Nıderlandtaǵy týrnırde qazaqstandyq eki boksshy jarysty jalǵastyrady.