Qazaqstan sportshylary jaǵajaıdaǵy Azııa oıyndarynyń 1/8 fınalyna joldama aldy
ASTANA. KAZINFORM — Qazaqstan erler quramasy sporttyq quzǵa órmeleýden Sanıa qalasynda (Qytaı) ótip jatqan 2026 jylǵy jaǵajaıdaǵy Azııa oıyndarynyń irikteý kezeńinde óner kórsetti.
1/8 fınalǵa shyǵý úshin úzdik 16 sportshynyń qataryna ený qajet boldy.
Damır Toqtarov 4.92 sekýnd ýaqyt nátıjesimen altynshy oryn aldy. Al Rıshat Haıbýllın úzdik múmkindiginde 5.02 sekýnd ýaqyt nátıjesin tirkep, 11-orynǵa ıe boldy. Eki sportshy da kelesi kezeńge joldama aldy.
Ámir Maımuratov 32-orynǵa turaqtasa, Rashıd Haıbýllın 33-satydan kórindi.
Eske sala keteıik, buǵan deıin pleı-off kezeńine Tamara Ýljabaeva men Anna Balarshına ótken bolatyn. Jaǵajaıdaǵy Azııa oıyndarynda júldeler «jyldamdyq» dıstsıplınasy boıynsha sarapqa salynady.
Aıta ketelik Qytaıda baıdarka men kanoede eskek esýden Azııa chempıonaty aıaqtaldy.
