Qazaqstan sportshylary stend atýdan Azııa kýboginde alty altyn medal aldy

ASTANA. KAZINFORM - Almaty oblysynda ótip jatqan stend atýdan Azııa kýbogi óz máresine jetti. Bul týraly Ulttyq olımpıadalyq komıtet málimdedi.

Dodada Qazaqstan komandasy alty altyn jáne bes qola medal enshiledi. Onyń ishinde Ásem Orynbaı, Edýard Eşenko, Nıkıta Moıseev (jasóspirimder arasynda), sonymen birge áıelder, erler jáne aralas komandalar (skıt) top jardy.

Al kúmis júldeni Alısher Aısalbaev, trap jáne dýbl-traptan erler komandasy jeńip aldy.

Úshinshi orynǵa Mark Pochıvalov (trap), Davıd Pochıvalov (skıt), Aıjan Dosmaǵambetova, Vladlen Kalımýlın jáne áıelder komandasy (trap) taban tiredi.

Stend atýdan Almaty oblysynda ótken Azııa kýboginde qazaqstandyq mergender taǵy bes altyn jeńip alǵan bolatyn. «Skıt» baǵdarlamasy boıynsha Qazaqstan komandasy 5 altyn, 1 kúmis jáne 2 qola medal enshiledi.