Qazaqstan sportshylary Azııa oıyndarynda 23-shi qola medal jeńip aldy
Qytaıdyń Hanchjoý qalasynda ótip jatqan XIX jazǵy Azııa oıyndarynda sý dobynan Qazaqstan áıelder quramasy tórtinshi kezdesýinde Ózbekstannan basym túsip, qola júlde aldy, dep habarlaıdy QazAqparat tilshisi.
El quramasy altynshy kezdesýinde Ózbekstandy 16:8 esebimen súrindirdi.
Buǵan deıin qazaqstandyq sportshylar Ońtústik Koreıany 24:4, Sıngapýrdy 12:6, Taılandty 13:8 esebimen tize búktirip, Qytaıǵa 8:17, Japonııaǵa 14:23 esebimen ese jiberdi.
Alty týrdan keıin olar 8 upaımen týrnır kestesinde úshinshi orynda tur. Alǵashqy eki oryndaǵy Japonııa men Qytaıdyń 10 upaıy bar.
Jarys barysynda 2024 jylǵy Parıj Olımpıadasyna jalǵyz joldama sarapqa salynady. Ázirge bul múmkindikke Japonııa men Qytaı quramalary úmitker bolyp otyr. Bes oıynnan keıin eki qurama da upaı joǵaltqan joq. Enshisinde 15 upaıdan bar.
