Qazaqstan sport menedjerlerin daıyndaıtyn bolady
ASTANA. 13 aqpan. QazAqparat - Bıylǵy jyly Qazaqtyń sport jáne týrızm akademııasynda jańa kafedralar ashylmaq.
Endi sport súıer ári sportqa beıimi bar mektep túlekteri úshin tańdaý kóbeıdi. «Alaman» agenttiginiń jazýynsha, bilim ordasy buǵan deıin esh jerde oqytylmaǵan sport menedjerleri men kásibı oqqaǵarlardy daıyndaýdy bastaıdy.
Akademııa rektory Qaırat Zakırıanovtyń aıtýynsha, bilim mınıstrligi bul bastamany maquldap, arnaıy ruqsatyn beripti. «Óz jerinde iri sport sharalaryn uıymdastyryp júrgen memleketke sport mamandary óte qajet. Sondyqtan bul bastamany qolǵa aldyq, stýdentter 4 jyl boıy osy mamandyq boıynsha bakalavr dárejesin alatyn bolady, - dedi Zakırıanov.
