Qazaqstan sottarynda aqtaý oqıǵalary kóbeıgen
«Taldaý kórsetip otyrǵanyndaı, 2016 jyly sottarǵa 51 myńnan astam qylmystyq is túsken. Aıaǵyna deıin jetkizilgen qylmystyq isterdiń sany byltyrǵy jylmen salystyrǵanda 0,2 paıyzǵa kóp. «Qazaqstan sot tóreligi kóbine jazalaýǵa beıim» degen pikirdiń jańsaqtyǵyna kelesi málimet dálel. Aıyptalýshyny aqtaý týraly sot úkimi 2015 jylmen salystyrǵanda 19,2 paıyzǵa kóp. Bir jyl ishinde 884 tulǵa aqtaldy», - dedi Abaı Razmetýlın Joǵarǵy Sottyń sýdıalar alqasynyń otyrysynda.
Onyń keltirgen dáıekteri boıynsha, 18 854 tulǵaǵa qatysty 16 529 qylmystyq is toqtatyldy jáne olarǵa qatysty qylmystyq jaýapkershilik alynyp tastaldy. Atalmysh tulǵalar jazaǵa tartylǵan joq.
«5 118 is kelisim negizinde qysqartylǵan tártipte ótti, bul óz kezeginde ótken kórsetkishtermen salystyrǵanda edáýir joǵary nátıje. Osylaısha, sottardyń óndirisinde jatqan qylmystyq isterdiń úshten biri toqtatyldy», - dedi ol.
«Sot salasyndaǵy reformalar eldegi sottalǵandar sanyn azaıtýǵa birshama úles qosty. Soǵan qaramastan, eldegi qylmystyq axýal turaqty. Bul salmaqty sot tájirıbesiniń nátıjesi dep bilgen jón», - dep túıdi oıyn A. Raxmetýlın.
