Qazaqstan sottalýshylar sany boıynsha álemde 31 orynda
ASTANA. 19 tamyz. QazAqparat - Qazaqstan 100 myń adamǵa shaqqanda sottalýshylar kólemi boıynsha 221 eldiń ishinde 31 orynda tur. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR ІІM QAJ komıteti tóraǵasynyń orynbasary Janat Keshýbaev málim etti.
Onyń sózine qaraǵanda, bıylǵy 1 tamyzdaǵy jaǵdaı boıynsha 49 883 azamat qamaýda otyr. Onyń ishinde 42 900-i sottalǵandar, 6 983-i tergeýge tutqyndalǵandar.
Atalǵan komıtet málimeti boıynsha táýligine bir sottalýshyǵa ortasha eseppen 1 myń 638 teńge, al tergeýge qamalǵandarǵa 2 myń 589 teńge jumsalady eken.
