Qazaqstan sottalǵandar sany boıynsha álemdik reıtıngte 100-orynda tur
«Sottalǵandar sany boıynsha álemdik reıtıngte» Qazaqstan 100-orynda tur. Osydan 18 jyl buryn elimizdiń AQSh jáne Reseıden keıin úshtikke kirgen edi»,- dedi Janat Eshmaǵambetov.
Sonymen qatar ol jazasyn óteýshilerdi túzeýdegi birden-bir qural – jumyspen qamtý ekenin atap ótti. Qazir eńbekke qabiletti 14 myń adam túrmede. Onyń 11 myńy kolonııalarda eńbek etip jatyr.
«Mekemelerdegi adamdardy jumyspen qamtýda «Eńbek» respýblıkalyq memlekettik kásiporynymen qatar, 230 shaǵyn jáne orta bıznes ókilderi de qyzmet etedi. Olardyń ózi 4 myń adamdy jumyspen qamtamasyz etip otyr. Sottalǵandar kásiporyndarda qurylys materıaldaryn, aǵash, temir jáne plastık ónimderin, sondaı-aq et, sút, nan jáne túrli kondıterlik ónimderdi jasaýmen aınalysady. Bostandyqqa shyqqanda olarǵa qoǵamǵa beıimdelip, jańa ómir súrý ońaıyraq bolady», - deıdi vedomstvo tóraǵasy.