Qazaqstan sottalǵandar sany boıynsha 3-orynnan 98-orynǵa kóterildi
«Qazirgi ýaqytta Qazaqstan sottalǵandar sany 34 myńnyń aınalasynda jáne álemdik reıtıngte 98-orynda tur. Al 90-jyldary Qazaqstan túrmelerinde 100 myńnan astam tutqyn bar edi jáne AQSh pen Reseıden keıin 3-orynda turǵan edik. Demek, sottalǵandar sany úshten birge deıin azaıǵan. Osyndaı obektıvti tsıfrlarǵa qarap, Qazaqstanda qylmystyń qanshalyqty azaıǵanyn baǵamdaýǵa bolady. Iá, zańnamaǵa ózgerister engizildi, keıbir sanktsııalar azaıtyldy, gýmanızatsııa men birneshe raqymshylyq aktileri júrgizildi. Degenmen, 3 jyl ishinde Qazaqstanda qylmys sany 47 paıyzǵa azaıdy. Qaraqshylyq shabýyl, tonaý, aýyr dene jaraqatyn salý jáne kóshedegi, qoǵamdyq oryndardaǵy qylmys 25 paıyzǵa kemigen. ıAǵnı, qoǵamda birtindep izgilený júrip jatyr», - dedi E. Turǵymbaev Habar telearnasyndaǵy «Ulttyq múdde» baǵdarlamasynda.
Mınıstr bul úrdistiń qalaı ózgeretini eldegi ekonomıkaǵa tikeleı baılanysty ekenin eske saldy.
«Bul eldegi ekonomıkalyq ahýal men azamattardyń áleýmettik jaǵdaıyna tikeleı baılanysty. Sebebi qylmys pen eldegi ekonomıkanyń jaǵdaıy tikeleı proportsıonaldy. Bul – aksıoma», - dedi E. Turǵymbaev.
Buǵan deıin mınıstr Qazaqstannyń 4 oblysynda jeke ınvestor esebinen jańa zamanaýı kolonııalar salynatynyn aıtqan edi. Jeke ınvestor memlekettik-jekeshelik áriptestik aıasynda kolonııa aýmaǵynda ónerkásiptik aımaq ashýǵa da mindetteledi.