Qazaqstan SOR30 Taraptar konferentsııasy kóshbasshylary cammıtiniń ashylýyna qatysty
ALMATY. KAZINFORM – Brazılııanyń tóraǵalyǵymen Birikken Ulttar Uıymynyń Klımattyń ózgerýi týraly negizdemelik konventsııasynyń Taraptar konferentsııasynyń 30-shy sessııasy (SOR30) kóshbasshylary cammıtiniń resmı ashylýy ótti. Bul týraly QR Ekologııa mınıstrligi habarlady.
Plenarlyq otyrysqa memleket jáne úkimet basshylary, parlament spıkerleri, syrtqy ister mınıstrleri, salalyq mınıstrlikterdiń jáne halyqaralyq uıymdardyń basshylary qatysyp, klımattyń ózgerýine qarsy kúrestegi ózekti syn-qaterler men mindettemelerdi talqylady.
Atalǵan is-sharaǵa Qazaqstan delegatsııasyn Ekologııa jáne tabıǵı resýrstar mınıstri Erlan Nysanbaev basqardy.
Sammıttiń ashylýynda Brazılııa Prezıdenti Lýıs Inasıo Lýla da Sılva bul kezdesýdiń klımattyq kún tártibi boıynsha halyqaralyq jumylý men dıalogtyń mańyzdy kezeńi ekenin atap ótti. Ol Sammıttiń Amazonııa óńirinde ótýi Brazılııa, aımaq jáne jalpy álem úshin zor sımvoldyq mánge ıe ekenin, sebebi tarıhta alǵash ret SOR tropıkalyq ormandardyń ortasynda ótkizilip otyrǵanyn aıtty.
Sammıttiń birinshi kúngi plenarlyq otyrysynda sóz sóılegen Qazaqstan delegatsııasynyń jetekshisi Erlan Nysanbaev Qazaqstannyń jahandyq klımattyq kún tártibine adaldyǵyn rastap, elimizdiń klımat salasyndaǵy kúsh-jigeri men qabyldanyp jatqan sharalar týraly halyqaralyq qaýymdastyqty habardar etti.
Sonymen qatar mınıstr Erlan Nysanbaev óz sózinde delegatsııa basshylaryn 2026 jyly Qazaqstanda ótetin Aımaqtyq ekologııalyq sammıtke qatysýǵa shaqyrdy.
Kelesi jyly Qazaqstan óńirlik ekologııalyq sammıt ótkizetinin jazǵan bolatynbyz.