Qazaqstan sońǵy úsh jylda 4 myńnan astam sheteldik ǵylymı maman tartty - QR BǴM
ASTANA. QazAqparat - Sońǵy úsh jylda Qazaqstan shetelden 4 myńnan astam ǵylymı ıntellıgentsııa ókilin tartty, degen málimet berdi búgin OKQ brıfınginde QR BǴM Ǵylym jónindegi komıtet tóraǵasynyń orynbasary Amandyq Tóleshov.
Bul týraly primeminister.kz habarlady.
«Shaqyrylǵan ǵalymdar sany sońǵy 3 jylda 4401 adamdy qurady, onyń ishinde Eýropadan 1886, Ońtústik-Shyǵys Azııadan 237, AQSh-nan 403, Kanadadan 11, Reseıden 1294, Belarýsten 69», - dedi A.Tóleshov.
Tóraǵa orynbasary atap ótkendeı, memleket qazir shetelderde jumys jasap jatqan otandyq qazaqstandyq ǵalymdardy qaıtarýdyń jáne talanttardyń ketýine jol bermeýdiń belsendi saıasatyn júrgizýde. Onyń aıtýynsha, ulttyq ýnıversıtetterde jáne Nazarbaev Ýnıversıtette sheteldik ǵalymdardyń el aýmaǵyna kelýi úshin áleýmettik-ekonomıkalyq sharttar qarastyrylǵan. Onyń ishinde, saqtandyrý, biliktilikti arttyrý, syıaqylar, materıaldyq kómek, baspana usyný, turǵyn úıge shyǵyndardy óteý, jataqhanalar salý, sportpen aınalysýǵa múmkindik qarastyrylǵan.
«Nazarbaev Ýnıversıtet» AQ-da osy jyldary 350-den astam sheteldik ǵalym tartylǵan, onyń ishinde 26 qazaqstandyq ǵalym
negizinen Ulybrıtanııadan, Kanadadan, Frantsııadan, Italııadan, Nıderlandydan jáne basqa elderden», - dep tolyqtyrdy ol.
