Qazaqstan sońǵy 2 jyldyń ishinde ýran óndirý kólemin 2 ese ulǵaıtty
ALMATY. 1 aqpan. QazAqparat /Erlik Erjanuly/ - «Qazatomónerkásip» ulttyq atom kompanııasy» AQ-y 2010 jylǵy óndiristik qyzmetiniń qorytyndysyn jarııalady. Byltyr Qazaqstanda 17 803 tonna ýran óndirilgen. Bul 2009 jylmen salystyrǵanda 30 paıyzǵa artyq.
Osylaısha eldegi ýran óndirý kólemi sońǵy 2 jylda 2 esege ulǵaıyp otyr.
2010 jyly enshiles jáne birlesken kásiporyndardy qosa eseptemegende «Qazatomónerkásip» UAK» AQ-y 9 myń tonna ýran satyp, ýran ónimderin ótkizý kólemin aldyńǵy jylmen salystyrǵanda 30 paıyzǵa arttyrdy. Al esepti jyldyń aıaǵyna taman onyń tapsyrystar qorjyny 17 mıllıard dollardy qurady.
Aldyn-ala júrgizilgen esepteýler boıynsha, 2010 jyly taza tabysy 53 mıllıard teńge kóleminde boldy. Bul 2009 jylǵy kórsetkishten 24 paıyzǵa artyq. Oǵan ýran ónimderin satý kóleminiń ósýi óz yqpalyn tıgizip otyr. «Qazatomónerkásip» UAK» AQ-y endi 2011-2015 jyldary jalpy somasy 341 mıllıard teńgeden asatyn jańa ınvestıtsııalyq jobalardy iske asyrýdy josparlap otyr.
