Qazaqstan Somalı ushaǵyndaǵy azamattaryn elge qaıtarý máselesin qarastyrýda

ASTANA. QazAqparat - QR Syrtqy ister mınıstrligi Somalıdiń «Daallo Airlines» avıakompanııasynyń A321 bortynda bolǵan qazaqstandyq Sergeı Severın men Nıkolaı Bochkarevtiń elge qaıtarý máselesimen aınalysýda.

Qazir mınıstrliktiń aqparatyna sáıkes qazaqstandyqtar BUU bazasynda Mogadıshoda qaýipsiz jerde. «Olardyń ómirleri men densaýlyqtaryna esh qaýip joq. Qazir Somalıden Qazaqstanǵa ushyp keletin baǵdar máselesi sheshilýde», - dedi QR SІM baspasóz qyzmetiniń basshysy Á. Jaınaqov.

Qazaqstandyqtar SІM-ge kómekke júgingen joq. «SІM-ge kómekke eshkim júgingen joq. Alaıda biz barlyq mán-jaıdy anyqtap, qajetti kómek kórsetemiz», - dep qosty ol.

Sergeı Severın men Nıkolaı Bochkarev Almatydaǵy №405 avıa jóndeý zaýytynyń qyzmetkerleri. Olar Somalıde tikushaqtarǵa qyzmet kórsetý jumystaryn atqaryp kelgen.

Eske salsaq, Somalıde bortynda jarylys bolyp, Daallo Airlines kompanııasynyń Airbus A321 ushaǵy shuǵyl qonǵan. Saldarynan eki adam zardap shekken. Keıinnen Somalı úkimeti jarylys saldarynan ushaq terezesinde úlken tesik paıda bolǵanyn málimdedi.