Qazaqstan – Soltústik Makedonııa oıynynda qaı eldiń tóreshileri qyzmet atqarady

ASTANA. KAZINFORM – Fýtboldan 2026 jylǵy álem chempıonaty irikteý kezeńindegi Qazaqstan men Soltústik Makedonııa kezdesýinde slovakııalyq tóreshiler brıgadasy qyzmet atqarady. 

Kezdesý jergilikti ýaqytymen 18:50-de bastalyp, «Qazsport» telearnasynan tikeleı efırde kórsetiledi.

Atalǵan oıynda bas tóreshi qyzmetin Fılıp Glova atqarady. Oǵan otandastary Danıel Polachek pen Pıter Bednar kómektesedi. Qosaly tóreshi de sol eldiń ókili – Pıter Kralovıch.

2026 jylǵy álem chempıonatynda qazaqstandyq fýtbolshylar J tobynda synǵa túsip jatyr. Qarsylastary – Belgııa, Soltústik Makedonııa, Ýels, Lıhtenshteın.

Qazirge deıin el quramasy Ýelske (1:3) jol berip, Lıýksembýrgti (2:0) qapy qaldyrdy. Ázirge otandastarymyz týrnır kestesinde úsh upaımen úshinshi orynda keledi.

Al Soltústik Makedonııa quramasy úsh oıynda 5 upaı jınap, týrnır kestesinde 2-orynda keledi. Olar aldymen Lıhtenshteındi (0:3) jeńip, odan keıin Ýels (1:1) pen Belgııamen (1:1) teń tústi.
Atalǵan topta kósh basynda 7 upaımen Ýels quramasy kósh bastap tur.

Eske salsaq, budan buryn fýtboldan joldastyq kezdesýde otandastarymyz Belarýs quramasyna ese jiberdi.