Qazaqstan – Soltústik Irlandııa matchyn qaıdan kórýge bolady
ASTANA. QazAqparat – Erteń, 10 qyrkúıekte Astanada fýtboldan Eýro-2024 chempıonatynyń irikteý týrnıriniń matchy ótedi. Qazaqstan quramasy óz alańynda Soltústik Irlandııany qabyldaıdy, dep habarlaıdy QazAqparat Sports.kz portalyna silteme jasap.
Qazaqstan-Soltústik Irlandııa matchynyń tikeleı kórsetilimi Astana ýaqytymen 19.00-de bastalady. Oıyndy tikeleı efırde «Qazsport» telearnasynan kórýge bolady. Qazaqstan quramasynda bes oıynnan keıin toǵyz upaı bar, al Soltústik Irlandııa bes oıynnan soń úsh upaı jınaǵan.
Magomed Adıev shákirtteri keıingi matchynda Fınlıandııa quramasynan 0:1 esebimen jeńilse, soltústikırlandııalyq fýtbolshylar syrt alańda Slovenııa komandasyna ese jiberdi – 2:4.
